Sigsteinn Sigurbergsson hefur verið í Leikhópnum Lottu alveg frá stofnun hans. Hann hefur leikið í öllum sýningum hópsins og á heiðurinn af mörgum vinsælustu persónunum í Ævintýraskóginum. Þið kannist sjálfsagt öll til dæmis við Hans klaufa, Gilitrutt og Litlu gulu hænuna en Steini var algjörlega óborganlegur í öllum þessum hlutverkum.

​

Sigsteinn er þekktasta Lottan og vinsælasti leikarinn okkar. Hann lendir oftast í því að heyra úti á götu „bíddu, ert þú ekki í Leikhópnum Lottu?“ og er oft á tíðum sá eini sem er spurður jafnvel þó nokkur okkar séu með honum á gangi. Ástæðan er einföld, Steini er fyndni gaurinn.

​

Steina er þó fleira til lista lagt, hann er til dæmis yfirmaður leikmyndadeildarinn hjá Lottu og keypti sér nýlega arkitektalegó til að geta kubbað upp leikmyndirnar í þrívídd.